ആറ്റുകാല്‍ അമ്മ

കുറെ മാസങ്ങള്‍ക്കു ശേഷം ഞാന്‍ ഇന്ന് ആറ്റുകാല്‍ അമ്പലത്തില്‍ പോയി..മുന്‍പൊക്കെ മിക്കവാറും ദിവസങ്ങളില്‍ രാത്രി 7.45 ന്റെ പൂജ അറ്റന്‍ഡ് ചെയ്തു ശീവേലി കഴിയും വരെ നിന്ന്  അമ്മക്ക് ഗുഡ് നൈറ്റും പറഞ്ഞു പായസമൊക്കെ കഴിച്ചായിരുന്നു  വരവ്.. ഇപ്പോള്‍ കുറെ മാസങ്ങള്‍ ആയി എല്ലാ പതിവുകളും തെറ്റി.ഇന്നുമുതല്‍ വീണ്ടും ആ പതിവുകള്‍ തുടങ്ങിയിരിക്കുകയാണ്.

സാധാരണ ദീപാരാധനക്ക് നല്ല തിരക്കാവും അവിടെ.. എനിക്ക് തിരക്ക് ഇഷ്ടമല്ല.ദേവിയോട് അല്‍പ്പസമയം തനിച്ചു സ്വകാര്യത്തില്‍ ഒക്കെ  സംസാരിക്കണം. അതിനു തിരക്ക് പറ്റില്ല. അതുകാരണം ദീപാരാധന കഴിഞ്ഞു ഇടക്കുള്ള മറ്റൊരു പൂജയാണ് ഞാന്‍ കണ്ടെത്തിയ മാര്‍ഗം.. ആ സമയത്ത് ആള്‍ക്കാര്‍ കുറവാകും. പക്ഷെ ഇപ്പോള്‍ ടൂറിസ്റ്റുകള്‍ ധാരാളം ഉള്ളതുകൊണ്ട് ചിലപ്പോഴൊക്കെ ആ  സമയത്തും തിരക്കാവും.ഇന്ന് ആള്‍ക്കാര്‍ ധാരാളം ഉണ്ടായിരുന്നു. എന്നാലും എനിക്ക് അത് ഫീല്‍ ചെയ്തില്ല.. കാരണം ദേവി എന്നെ പ്രത്യേകമായി പരിഗണിച്ചു..തിരക്കിലും എനിക്ക് ദേവിയുടെ മുന്നില്‍ എത്താന്‍ പറ്റി ..വല്ലാത്തൊരു ആംബിയന്‍സ് ആണ് ആ ഒരു അന്തരീക്ഷത്തിനു. ഞാന്‍ ദേവിയോടു  പരാതികളും പരിഭവങ്ങളുമൊന്നും പറയാറില്ല. ചുമ്മാ നോക്കിയിരിക്കും. പക്ഷെ കുറെ നേരം കഴിയുമ്പോള്‍ മനസ്സിന്   ഭാരമില്ലാത്ത ഒരു അവസ്ഥയാകും.. അത് വല്ലാത്ത ഒരു ഫീല്‍ ആണ്.. മെഡിറ്റെറ്റു ചെയ്യുമ്പോള്‍ ഉള്ള അവസ്ഥ.എന്തെങ്കിലും വിഷമങ്ങളോ   ടെന്‍ഷനോ ഒക്കെ ഉള്ളപ്പോള്‍ ഈ  മാറ്റം പെട്ടെന്ന് അറിയാന്‍ സാധിക്കും.ഞാന്‍ ദേവിയോട്  സംസാരിക്കും എന്നൊക്കെ  സുഹൃത്തുക്കളോട് പറയുമ്പോള്‍ പലര്‍ക്കും ഞാന്‍ പറയുന്നത് ഉള്‍ക്കൊള്ളാന്‍ അവര്‍ക്ക് പറ്റാറില്ല. 

ഇന്ന് 7.45 ന്റെ പൂജയും അത്താഴ പൂജയും ശീവേലിക്കുമൊക്കെ കൂടി. അവസാനം പായസവും കിട്ടി ... അവിടെ പോകാത്ത മാസങ്ങളില്‍ എന്താ സംഭവിച്ചതെന്ന് ഞാന്‍ ഓര്‍ത്തുപോയി..ഈ ഒരു നഷ്ടം എന്നെ ബോധ്യപ്പെടുത്താന്‍ ആകും എനിക്ക് ആ സമയത്ത് പോകാന്‍ തോന്നാതിരുന്നത്. അമ്പലത്തില്‍ പോയില്ലെങ്കിലും ഞാന്‍ എന്നും മനസ്സില്‍ ധ്യാനിക്കാറുണ്ടായിരുന്നു.അതുകൊണ്ട് ദേവിക്ക് പിണക്കമൊന്നും കണ്ടില്ല മുഖത്ത്‌..ഏറ്റവും മുന്നില്‍ നിന്ന് അമ്മക്ക് ഗുഡ് നൈറ്റ്  പറയാനും ഇന്ന് സാധിച്ചു. എല്ലാം കൊണ്ടും നല്ലൊരു ഞായറാഴ്ച ആയിരുന്നു ഇന്ന്.